Galicia conta con máis de 520 prazas públicas en centros especializados no coidado a enfermos de Alzhéimer

A conselleira de Política Social e Xuventude, Fabiola García, puxo en valor o papel que desenvolven os familiares, os coidadores e as entidades na loita contra as doenzas neurodexenerativas como o Alzheimer. Expresouse así na gala conmemorativa do 25 aniversario da Federación Alzhéimer Galicia (Fagal), que se celebrou no Auditorio de Galicia.

Fabiola García trasladou as felicitacións da Xunta a Fagal por un cuarto de século dando visibilidade e concienciando sobre enfermidades neurodexenerativas, "tecendo unha gran rede de apoio e mellorando a calidade de vida das persoas que as sofren". Así mesmo, defendeu a colaboración entre a Xunta e as entidades sociais para avanzar na detección temperá, prevención e coidados.

A conselleira destacou que Galicia segue sendo a única comunidade autónoma cunha rede de centros públicos especializados na atención ao alzhéimer e que nos últimos anos duplicáronse o número de prazas públicas destinadas a estas persoas, pasando das 230 que existían en 2009 ás máis de 520 actuais. Tamén remarcou que este mesmo ano aprobouse o concerto social de alzhéimer, "co que se garante a estabilidade na prestación dos servizos públicos de atención diúrna e que supuxo un incremento do 20 % da achega da Xunta ás entidades".

Un ancián recibe atención | Fonte: Arquivo