Alerta vermella para todo o litoral ante a chegada da borrasca 'Domingos' este sábado
A Xunta activará a alerta laranxa a partir das 00.00 de venres a sábado no interior de Pontevedra, por precipitacións acumuladas de máis de 100 milímetros en 12 horas.
Por Europa Press / Redacción | SANTIAGO DE COMPOSTELA | 03/11/2023 | Actualizada ás 20:05
A Dirección Xeral de Emerxencias e Interior da Xunta activará este sábado unha nova alerta vermella por temporal costeiro ante a chegada de 'Domingos', unha nova borrasca que deixará ondas de máis de 10 metros e ventos de forza 9 e, mesmo, 10.
Este fenómento meteorolóxico adverso, que comezará ao redor das 14,00 horas da tarde no oeste e noroeste da Coruña e logo chegará a todo o litoral, actiará tamén a alerta en terra, aínda que de nivel laranxa, na provincia da Coruña, A Mariña, Valdeorras e o interior de Pontevedra, onde se esperan refachos de máis de 100 quilómetros por hora. No resto de Galicia, o aviso será amarelo por ventos de ata 8
En canto ás choivas, a Xunta activará a alerta laranxa a partir das 00,00 de venres a sábado no interior de Pontevedra, por precipitacións acumuladas de máis de 100 milímetros en 12 horas. Nas demais zonas da Comunidade, chegarase a nivel amarelo por 40 milímetros en 12 horas.
Por iso, a Administración autonómica activou esta alerta, da que xa foron informados concellos, diputacións, servizos provinciais e agrupacións de voluntarios de Protección Civil e clubs náuticos.
A Xunta remarca que debe permanecerse afastado da liña de costa diques, rompientes e paseos marítimo, así como que se extremen as medidas de seguridade en calquera actividade no mar e que se revisen os cabos e amarres das embarcacións.
Ademais, por estrada, recomenda circular con precaución, informarse antes do estado das vías, evitar pasar preto de árbores, paneis publicitarios, estadas e outros obxectos que poidan ser derrubados polo vento. Tamén aconsella non atravesar zonas alagadas, non aparcar nas marxes dos ríos nin empregar vehículos lixeiros ou de pouca estabilidade.
