Un total de 362 iniciativas empresariais lideradas por mulleres recibirán axudas do Goberno galego
Por Europa Press / Redacción | SANTIAGO DE COMPOSTELA | 07/11/2023 | Actualizada ás 17:50
A Xunta destina este ano un total de 4,8 millóns de euros a un total de 362 axudas a iniciativas empresariais lideradas por mulleres, coas que se consolidan 800 empregos femininos. Diso informou a conselleira de Promoción do Emprego e Igualdade, Elena Rivo, nun encontro con beneficiarias de edicións anteriores deste programa.
O Diario Oficial de Galicia (DOG) publica este martes a resolución destas axudas que concede a Xunta, con entre 8.000 e 42.000 euros por beneficaria en función da liña que se solicite e o número de postos de traballados creados ou mantidos de carácter indefinido para mulleres.
Por provincias, a repartición de axudas é o seguinte: 139 en Pontevedra (1,9 millóns); 128 na Coruña (máis de 1,6 millóns); 48 en Lugo (615.000 euros) e 47 en Ourense (608.000 euros). O Goberno galego subliña que leva destinados máis de 23 millóns a esta iniciativa desde 2009 a través de 1.800 axudas.
