Retirados 8.341 xoguetes en Pontevedra por non cumprir as normas de seguridade
Por Europa Press / Redacción | SANTIAGO DE COMPOSTELA | 22/12/2023 | Actualizada ás 13:52
A Garda Civil de Pontevedra interveu 8.341 xoguetes para menores de 14 anos --cun valor de venda ao público de 48.511.01 euros-- por non cumprir coas normas de seguridade relativas á súa etiquetaxe, envasado e publicidade.
Da totalidade dos xoguetes intervidos, 4.415 foron postos a disposición do Instituto Galego de Consumo da Xunta de Galicia e depositados a disposición de Aduanas e Impostos Especiais de Pontevedra.
Segundo trasladou o Instituto Armado, os xoguetes que foron retirados dos comercios proveñen dun total de 18 inspeccións en establecementos de Pontevedra, Lalín, Cangas do Morrazo, Caldas de Reis, Ponteareas e O Porriño, que se enmarcan nas actuacións da Garda Civil, a través da Patrulla Fiscal de Fronteiras da Comandancia.
Algunhas das irregularidades detectadas son a falta de marcado CE --marca europea que establece requisitos de seguridade e saúde-- e a falta de advertencias relativas ás pezas de pequeno tamaño ou a idade recomendada.
Os xoguetes que carecían de instrucións, ou non estaban en castelán, que non identificaban os produtos en xogos de química, pinturas e maquillaxe ou carecían do importador autorizado cando proveñen de terceiros países --de acordo coa lexislación de contrabando-- tamén foron intervidos.
