Chega ao Arsenal Militar de Ferrol o novo buque de transporte loxístico para o Exército de Terra

Este xoves asinouse a documentación de entrega e transferencia á Armada do novo buque de transporte loxístico do Exército de Terra, a 'Cadea 4', que se atopa no Arsenal Militar de Ferrol. 

Co obxectivo de dotar ao Exercito de Terra dun segundo buque de transporte loxístico (ademais do xa existente BTL 'Ysabel'), a principios do pasado mes de novembro foi licitado á empresa Navaleva o buque do tipo Ro-Ro/Container 'Cadea 4'cuxa eslora é de 154 metros, e que prestaba servizo na naviera española 'Finlines' como transporte de vehículos efectuando a ruta península - Illas Canarias.

Unha vez entregado, o buque será incluído na Lista Oficial de Buques da Armada, e está previsto que as obras iniciais de adecuación, que incluirán varada, pintado e acondicionamento interior, teñan lugar en Ferrol ao longo do primeiro semestre de 2024. Finalmente, o resto de obras de navalización, para adaptalo aos standares da Armada, efectuaranse posteriormente no Arsenal de Cartaxena.

Proceso de construción dos buques AOR para a Armada australiana nos estaleiros de Navantia Ferrol. NAVANTIA - Arquivo