Rueda comeza a carreira cara as elección

O líder do PPdeG, Alfonso Rueda, protagoniza este domingo en Santiago o seu primeiro gran acto político unha vez que xa se formalizou a convocatoria das próximas eleccións autonómicas galegas, que se celebrarán o domingo 18 de febreiro.

Pasado o día dos Reis Meigos, peche formal das festas do Nadal, os populares non esperaron nin unha xornada máis para convocar o acto no que Alfonso Rueda se lanzará como candidato co obxectivo de lograr a súa primeira maioría absoluta como aspirante popular, a quinta consecutiva desde 2009.

Fontes consultadas por Europa Press avanzaron un acto de presentación no que el terá o protagonismo e que, neste caso, non contará coa presenza do seu antecesor á fronte da Xunta e líder do PP, Alberto Núñez Feijóo, quen, en todo caso, si que planea visitar Galicia para apoiar ao seu sucesor en diversas ocasións. O mitin celebrarase en Santiago, no Hotel Monumento San Francisco, e contará coa intervención de representantes do catro provincias galegas.

BESTEIRO

Por outra ganda, o candidato do PSdeG á presidencia da Xunta, José Ramón Gómez Besteiro, asegurou que implantará en toda Galicia o modelo público de residencias creado cando estivo á fronte da Deputación de Lugo.

Así o avanzou este sábado na visita que realizou aos maiores que viven na residencia Santa María de Meira, unha das nove que a institución provincial ten hoxe en funcionamento. "O meu modelo é todo o contrario ao de Rueda: aquí os maiores son tratados como en casa, en centros pequenos e ben atendidos, sen ter que marchar do seu pobo, e pagan o xusto en función da súa capacidade patrimonial", relatou.