Un condutor sofre unha saída de vía tras unha parada cardíaca na AG-56 en Santiago de Compostela

Unha saída de vía na AG-56, en Santiago de Compostela, deixou unha persoa ferida e importantes retencións, segundo informa o 112 que precisa que foi ao seu paso pola parroquia de Conxo. O servizo de emerxencias recibiu o aviso a través dun particular informando do sucedido ao fío das 14,00 horas. Tamén solicitaba asistencia sanitaria para o condutor do vehículo.

Con estes datos, informouse o Servizo de Urxencias Sanitarias de Galicia-061, os cales mobilizaron o helicóptero medicalizado H-3 ata o punto, ademais dos Bombeiros de Santiago, aos axentes da Garda Civil e da Policía Local e aos membros de Protección Civil de Santiago de Compostela.

Finalmente, segundo informan, a saída de vía púidose producir debido a que a persoa sufriu unha parada cardíaca mentres estaba a conducir. A maiores, este accidente provocou grandes retencións na autovía.

Ambulancia do 061-Urxencias Sanitarias de Galicia | Fonte: URXENCIAS SANITARIAS-061 - Arquivo