Iberdrola entra de cheo no mercado eléctrico portugués limítrofe con Galicia
Conecta á rede unha das dúas turbinas da Central Hidroeléctrica do Alto Tâmega (Portugal).
Por Europa Press / Redacción | Santiago de Compostela | 22/01/2024 | Actualizada ás 12:39
Iberdrola deu un paso máis cara á posta en marcha do Complexo Hidroeléctrico do Tâmega (Portugal) ao conectar con éxito á rede eléctrica unha das dúas turbinas, segundo explicou a compañía nun comunicado.
O Complexo Hidroeléctrico de Tâmega está formado por tres centrais: a Central Hidroeléctrica de Alto Tâmega, cunha capacidade instalada de 160 MW, a Central de Almacenamento por Bombeo de Gouvães (880 MW) e a Central de Daivões (118 MW), estas dúas últimas en funcionamento desde 2022.
Este complexo é unha das maiores iniciativas enerxéticas da historia de Portugal, cun investimento total de máis de 1.500 millóns de euros, unha capacidade instalada de 1.158 MW e unha reserva de enerxía de 40 millóns de kWh, equivalente á enerxía consumida por 11 millóns de persoas durante 24 horas nos seus fogares.
A Central do Alto Tâmega está situada ao pé da Presa do Alto Tâmega, unha gran presa de bóveda de dobre curvatura, de 105 metros de altura e 335 metros de lonxitude de coroación, que se converteu na quinta máis alta de Portugal.
