Sabes canto custa mercar un coche, pero non novo, de segunda man?
Sobe un 5% a comezos de ano.
Por Europa Press / Redacción | SANTIAGO DE COMPOSTELA | 14/02/2024 | Actualizada ás 11:32
O prezo dos coches de segunda man situouse en 12.009 euros en Galicia en xaneiro de 2024, un 4,9% máis que no comezo de 2023, segundo datos da Asociación Nacional de Comerciantes de Vehículos (Ancove) publicados este mércores.
Este incremento é o segundo maior do Estado, só por detrás de Asturias (5,2%), e mesmo crecemento que Castela-A Mancha. De feito, supón un alza tres veces maior que a media de avance de España, que é do 1,4%. No entanto, o prezo medio en Galicia é case 800 euros inferior aos 12.799 da media estatal.
Por provincias, Ourense rexistra o repunte máis acusado en Galicia, cun 15,4%, seguido pola Coruña (6,7%). A máis distancia atópanse as subidas de Pontevedra (1,7%) e Lugo (0,7%). Se se compara co mes anterior (decembro de 2023), os turismos de ocasión soben un 1,8% en Galicia, mentres que no conxunto español elévanse un 0,1%.
Nos coches de máis de 8 anos, o prezo foi en xaneiro de 9.283 euros en Galicia, un 8% de subida en termos interanuais. O prezo medio de España neste caso foi de 9.829 euros, un 5,9% de incremento interanual. O peso destes turismos foi do 70% sobre o total do mercado de segunda man, fronte ao 61,2% a nivel estatal.
