Ferida unha muller en Vilasantar nunha colisión entre dous coches

Unha muller resultou ferida nunha colisión entre dous coches ocorrida na mañá deste sábado en Vilasantar. Segundo informa o 112 Galicia, ocorreu no quilómetro 67 da N-634, en Barbeito, pouco antes das 10.00 horas.

Foi un particular quen alertou dos feitos á central de emerxencias, que avisou a Urxencias Sanitarias-061, a Tráfico, aos bombeiros de Arzúa, ao GES de Curtis e a Protección Civil. Tras a evacuación da muller ferida, os servizos de mantemento da estrada procederon á súa limpeza.

Colisión entre dous vehículos. | Fonte: 112 Galicia.. 112 GALICIA