Galicia busca abrir novos mercados na feira pesqueira de Bremen, en Alemaña, na que están presentes 27 países
O evento é o único dedicado ao peixe e o marisco de Alemaña e alberga 320 expositores de 27 países diferentes coa asistencia de 10.000 visitantes de máis de medio cento de nacionalidades.
Por Europa Press / Redacción | SANTIAGO DE COMPOSTELA | 26/02/2024 | Actualizada ás 19:40
A Xunta apoia a presenza de empresas do sector na feira Fish International Bremen, en Alemaña, de cara á apertura de novos mercados. Así o manifestou o director xeral de Pesca, Acuicultura e Innovación Tecnolóxica, Antonio Basanta, que se desprazou ao país xermano. O evento é o único dedicado ao peixe e o marisco de Alemaña e alberga 320 expositores de 27 países diferentes coa asistencia de 10.000 visitantes de máis de medio cento de nacionalidades.
Así mesmo, Basanta tamén subliñou a representación galega na feira internacional Gulfood de Dubai, celebrada recentemente. Galicia conta cun espazo propio no recinto alemán no que están presentes as seguintes empresas: Copesma Conxelados, Cassua, Pereira Produtos do Mar, Conxelados Noriberíca, Stolt Sexa Farm, Global Runner e Ailla Pasteurizados.
