Por Galicia Confidencial | Compostela | 27/02/2024 | Actualizada ás 20:25
As series climatolóxicas indican que en marzo as temperaturas tenden a marcar valores medios de 2 a 4 ºC máis altos respecto dos de febreiro no interior peninsular, sendo máis moderado o ascenso nas costas e nas illas. Con todo, un chorro polar traerá cambios drástidos do tempo no noreste peninsular.
Este mes en Galicia as chuvias poden superan os 150 l/m². Aínda que marzo non adoita ser dos meses máis chuviosos en España, os ballóns adoitan ser recorrentes e aínda se poden producir grandes nevadas asociadas a irrupcións de aire polar ou ártico.
Segundo o modelo de Meteored, nos primeiros días de marzo espéranse temperaturas próximas á media en gran parte de España, excepto nalgúns puntos do mediterráneo, Cantábrico oriental, Baleares e Canarias, onde se poderían situar entre 1 e 2 ºC por encima da media.
Durante a segunda semana, no norte e este peninsular, Baleares e Canarias os valores térmicos probablemente estarán entre 1 e 3 ºC por encima dos rexistros normais. A finais do mes, coincidindo con Semana Santa, parece que seguirán por encima da media, pero con certa tendencia á normalización en Galicia.
En canto ás precipitacións, os primeiros días poderíanse situar por encima dos valores habituais en zonas da vertente cantábrica, sistemas montañosos e Baleares. Despois, a presenza dun chorro polar ondulado podería presentar cambios drásticos no tempo. A formación dun anticiclón de bloqueo en Escandinavia podería traer borrascas e descolgues de aire frío a Galicia e ao oeste peninsular.
Con esta situación, en principio parecen pouco probables as nevadas abundantes en cotas baixas, pero "cos vaivéns que ven no 'jet stream' tampouco nos atrevemos a descartalas", indica . Samuel Biener, experto de Meteored.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.