Morre tras ir sen cinto, chocar contra a mediana e acabar envorcado nunha finca

Un home de 51 anos, veciño de Madrid, faleceu nun accidente ocorrido na noite do pasado martes na estrada nacional 525 ao seu paso polo municipio de Verín.

O condutor e único ocupante do vehículo saíuse pola marxe dereita e chocou de forma frontal contra un muro de división da estrada, ao que seguiu unha colisión contra o peche dunha leira.

Segundo informa a Garda Civil, o condutor non levaba posto o cinto de seguridade. O sinistro produciuse ás 21,30 horas do martes, no quilómetro 6.600 da N-525.

Accidente en Verín | Fonte: GARDA CIVIL