Temas: FEIJóO PP PSOE XUNTA PEDRO SáNCHEZ MARCIAL DORADO CANARIAS GALICIA

(Vídeo) Que pasaría se o amigo de Marcial Dorado fora Pedro Sánchez e non Feijóo?

Sánchez di que con esa amistade, Feijóo "escalou todo máis alto no PP pero no PSOE non chegaría nin a concelleiro de pobo".

A longa sombra de Marcial Dorado tamén persegue a Feijóo no Congreso

Por Galicia Confidencial | Compostela | 13/03/2024 | Actualizada ás 22:20

"Imos imaxinar que eu son alto cargo dunha comunidade, poñamos que da Xunta de Galicia. E durante cinco anos teño unha relación de estreita amizade cun capo do narcotráfico", dixo Pedro Sánchez nun cara a cara con Feijóo no Congreso, aludindo despois a comidas, hoteis, vacacións xuntos, así como viaxes a Canarias, Eivissa, Portual ou "mesmo Andorra onde supostamente este narcotraficante blanqueou 21 millóns dos francos franceses de entón".

"Se fora eu e non vostede agora mesmo estaría a pedir a miña dimisión. Pero non o fai porque foi vostede o que desenvolveu esa amizade cun capo do narcotráfico en Galicia", asegurou, para engadir que o líder do PP "con ese historial, puido escalar todo o máis alto" do seu partido pero no PSOE "non chegase nin a concelleiro de pobo".