Por Europa Press / Redacción | A CORUÑA | 19/03/2024 | Actualizada ás 13:55
O delegado do Goberno en Galicia, Pedro Blanco, e a directora xeral de Protección Civil e Emerxencias do Ministerio do Interior, Virginia Barcones, mantiveron este martes unha reunión para avaliar os retos do servizo público de Proteción Civil e o seu impacto na comunidade galega.
Na súa primeira visita a Galicia, ambos abordaron a Estratexia Nacional de Protección Civil, cuestión que tamén centrou a reunión co director xeral de Emerxencias da Xunta, Santiago Villanueva.
En relación a esta cuestión, a directora avanzou que o Ministerio do Interior afronta agora a primeira renovación deste documento de planificación. Será ao cumprir cinco anos de vixencia para adaptalo, segundo informa a Delegación do Goberno, "aos novos retos e fenómenos que afectan á seguridade pública".
Entre os retos do sistema, ambos coincidiron na necesidade de anticiparse e de mellorar a actuación ante o impacto climático, sobre todo co aumento dos fenómenos meteorolóxicos extremos tanto en intensidade como frecuencia.
Ademais, ambos os representantes visitaron na Estrada (Pontevedra) a sede da Axencia Galega de Emerxencias (Axega), acompañados polo director xeral de Emerxencias e Interior da Xunta, Santiago Villanueva, co que abordaron a colaboración entre administracións para renovar a Estratexia Nacional de Protección Civil.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.