Detido un home polo incendio intencionado de varios coches dunha empresa de aluguer en Santiago

Detido un home por incendiar, supostamente, varios coches dunha empresa de aluguer de vehículos en Santiago tras unha disputa co dono da compañía. O lume chegou a afectar a unha vivenda próxima.

Fontes polciales indican que se produciu un altercado entre varias persoas previa ao incendio. Cando os axentes se desprazaron á zona atopáronse co lume, que afectaba tamén a unha vivenda próxima. As persoas que se atopaban no interior da casa tiveron que ser desaloxadas.

Apuntan que, por mor das desavinzas entre o cliente e o dono dos vehículos, o home provocou o lume nos coches, aínda que non descartan ningunha hipótese. Os efectivos localizaron ao home nos arredores e procederon á súa detención, á que se resitió.

Varios coches arderon. Tal e como informou o 112, pasaban das 20.00 horas cando un particular chamou ao servizo para alertar de que ardían varios coches nunha empresa de aluguer situada en Sabugueira, no lugar de O Noval.

O lume, que comezou nun dos vehículos, propagouse rapidamente a outros dous estacionados nas proximidades. Á súa chegada, os bombeiros procederon a extinguir o incendio e a refrigerar a zona. As forzas da orde encárganse de investigar o sucedido.