Entre 3 e 6 anos de prisión para dous funcionarios do Sergas que accederon máis de 500 veces ao historial médico de familiares

O Tribunal Superior de Xustiza de Galicia aumentou a pena a dous funcionarios do Servizo Galego de Saúde (Sergas) que accederon ao historial médico de dous familiares sen a súa autorización. Así, o Alto Tribunal galego estimou parcialmente o recurso de apelación interposto e impuxo unha pena de tres anos e catro meses de prisión a unha funcionaria por acceder en numerosas ocasións ao historial médico do seu pai e da súa irmá "sen coñecemento nin autorización".

Ademais, o TSXG condena ao seu marido, tamén funcionario do Sergas, a unha pena de seis anos e medio de prisión polos mesmos feitos, pero neste caso, non tivo en conta a atenuante de abcecación. O TSXG, do mesmo xeito que na sentenza de primeira instancia, considera probado que a muller, mediante o uso das súas claves do programa IANUS (sistema de historia clínica do Sergas) consultou o expediente do seu pai en 511 ocasións e en 303 o da súa irmá, entre maio de 2015 e decembro de 2016.

Pola súa banda, o home fixo o mesmo en 27 ocasións co expediente do seu sogro e en cinco ocasiones co da súa cuñada, entre maio de 2015 e xaneiro de 2016. O tribunal considerou que se trata de delitos continuados, polo que aumentou a pena de dous anos e medio de prisión imposta no seu día a cada un dos dous acusados pola sección sexta da Audiencia Provincial da Coruña, con sede en Santiago de Compostela.

A parte das penas de prisión como autores de dous delitos continuados de descubrimento de segredos, agravados pola condición executiva de funcionarios públicos, concorren atenuantes de dilacións indebidas e, só no caso da muller, o de obcecación, o TSXG incapacitounos, respectivamente, durante catro anos e nove meses (para ela) e nove anos (para el).

Historia clínica | Fonte: iStock - Arquivo