As pernoctacións hoteleiras en Galicia crecen un 14,1% en maio
Por E.P. | SANTIAGO DE COMPOSTELA | 24/06/2024 | Actualizada ás 11:16
Galicia rexistrou un total de 911.535 pernoctacións hoteleiras en maio, o que supón un 14,1% máis que no mesmo mes de 2023, segundo datos publicados este luns polo Instituto Nacional de Estatística (INE).
Así, a recibiu 552.134 viaxeiros no quinto mes deste exercicio, un 14,9% máis que un ano antes, dos cales 290.790 eran residentes en España e 261.343, no estranxeiro. Desta maneira, a estancia media en Galicia foi de 1,65 días, por baixo da media estatal, que ascende ata os 3,04 días.
O grao de ocupación medio en Galicia foi do 45% segundo o número de prazas dispoñibles, por baixo do 61,7% da media estatal. Isto supón que o 52,96% das habitacións contaban con hóspedes. En fin de semana, o 52,07% das prazas estaban ocupadas de media.
O prezo medio diario foi de 70,61 euros, un 5,11% máis, moi por baixo dos 111,65 euros da media do total de España (+9,16%). Os ingresos medios por habitación dispoñible en Galicia foron de 36,79 euros, un 17,32% máis, aínda que por baixo dos 78,66% da media nacional (+15,57%).
