Ferreiro quere que na Coruña haxa “pan e teito” para todos

O alcalde da Coruña, Xulio Ferreiro, ten moi claras as preferencias políticas do seu goberno; atacar a pobreza social. Por iso, quere que no seu concello todos teñan “pan e teito”, aínda que iso, implique, non facer outras obras de infraestrutura.

Xulio Ferreiro, alcalde da Coruña | Fonte: coruna.es

“É mellor facer un túnel cunha obra de tres millóns de euros sen rendibilidade social ou destinalos a medidas como a renda mínima municipal, que supón un pequeno esforzo que non cambiará a vida de quen llo poden permitir pero si de miles de persoas?", preguntouse.

É un proxecto que “non ten volta atrás" e busca que todos os que viven na Coruña teñan, dixo, “un mínimo para vivenda, manutención e vestimenta” para lograr unha "vida digna". Para iso, anunciou a aprobación das novas ordenanzas fiscais que "piden aos que máis teñen un pequeno esforzo para aliviar aos que o están pasando mal".

Ferreiro, que participou no Novo Economía Fórum, no hotel Ritz de Madrid, foi presentado pola alcaldesa da capital, Manuela Carmena, quen augurou que será un gran alcalde e enxalzouno como un "home de dereito" que sitúa a "honestidade por encima de todo".

Na súa intervención, o rexedor coruñés insistiu nas novas ordenanzas fiscais para "os que máis teñen, fagan un pequeno esforzo para o que o están pasando mal" e afirmou que se trata de "algo xusto" como é o "principio de equidade da presión fiscal". "A Coruña é unha cidade lastrada por décadas de urbanismo irresponsable e é o momento de reflexionar se se queren expor un plan urbanístico para os coches ou para as persoas", dixo.

Así, suliñou que a sociedade "demanda moito aos concellos" pero que non posúen "diñeiro suficiente para poder prestar servizos públicos" e pediu ao alcalde de Vigo e presidente da FEMP, Abel Caballero, que axude á "estabilización das leis" e deixe "as rifas vergoñosas entre o PP e o PSOE".