Dous operarios sofren múltiples facturas nunha caída desde varios metros
O accidente aconteceu nunha nave en Vilgarcía.
Por Europa Press / Redacción | PONTEVEDRA | 04/07/2024 | Actualizada ás 14:02
Dous operarios sufriron múltiples fracturas ao sufrir unha caída desde varios metros cando traballaban no exterior dunha nave no municipio de Vilagarcía de Arousa.
Sobre as 9,30 horas, o 112 Galicia recibiu o aviso por un accidente laboral con dous operarios feridos nunha nave do polígono do Pousadoiro, en Vilagarcía. Un equipo do 061 xa estaba en movemento e solicitaban o apoio dos bombeiros para poder acceder aos traballadores, xa que caeron desde unha cesta elevadora a unha plataforma situada a varios metros do chan.
Bombeiros e Protección Civil tiveron que empregar unha escaleira para rescatar aos feridos e poder trasladalos en ambulancia a un centro hospitalario. Segundo informa o 112 Galicia, neste operativo participaron, ademais, os axentes da Policía Local e Nacional.
