Por Galicia Confidencial | Compostela | 28/11/2015 | Actualizada ás 12:15
O BNG considera ao presidente da Xunta, Alberto Núñez Feijóo, unha persoa "indigna" por referirse ao voceiro nacional desta formación, Xavier Vence, e ao seu secretario de Organización, Bieito Lobeira, como se foran imputados dunha causa xudicial.
Esta organización política criticou que o máximo mandatario autonómico tivera expresado que a estas dúas persoas, chamadas como testemuñas no caso que a Audiencia Nacional segue contra Causa Galicia pola súa vinculación co grupo Resistencia Galega, "correspóndelles a mesma presunción de inocencia e de respecto á lei".
"Aludir á presunción de inocencia a persoas que non están acusadas nin imputadas, revela a clara vontade de facer dano político e só demostra que Núñez Feijóo é indigno para representar o goberno de todos os galegos", critica nun comunicado. Por iso, di, recibir con "estupor" estas declaracións.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.