Atopado o corpo dun home no río Miño ao seu paso polas Neves

Tripulantes dunha embarcación que navegaba polo río Miño á altura das Neves localizaron a última hora deste xoves o cadáver dun home, que foi recuperado polos servizos de emerxencias.

Segundo a información do CIAE 112-Galicia, o aviso recibiuse pouco antes das 19,00 horas, cando un particular chamou a Emerxencias para avisar de que había un corpo flotando no medio do Miño, preto da área recreativa de Santa Mariña, unha área na que o río separa a fronteira entre Galicia e Portugal.

No momento alertouse á Comandancia Naval do Miño, aos Bombeiros-Ges de Ponteareas e á Garda Civil de Pontevedra, así como ao 061 Galicia. Foron os axentes da Garda Civil, desprazados nunha embarcación, os que recuperaron o corpo, ao que se lle fará a autopsia para identificalo.

Dous gardas civís nun dispositivo de procura na Ría de Pontevedra, a 28 de outubro de 2022, en Pontevedra, Galicia (España). Os bombeiros de Pontevedra despregaron un dispositivo de procura no río Lérez por un piragüista desaparecido ao vo. Beatriz Ciscar - Europa Press