Ecoloxistas en Acción reclaman que a Xunta e o Goberno se presenten nas dilixencias abertas polos pélets
A organización ecoloxista resalta que a personación do Estado "reforzaría" a súa acusación popular nas dilixencias abertas no Xulgado de Noia
Por Europa Press / Redacción | SANTIAGO DE COMPOSTELA | 08/08/2024 | Actualizada ás 18:10
Ecoloxistas en Acción instou á Xunta de Galicia e ao Goberno central a personarse nas dilixencias abertas no xulgado de Noia polos pélets.
Nun comunicado, solicitan que se persone como acusación "na causa aberta polo dano ambiental e patrimonial causado pola vertedura de máis de mil sacos de pélets plásticos que afectaron o litoral galego en xaneiro de 2024", lembra.
A organización ecoloxista resalta que a personación do Estado "reforzaría" a súa acusación popular nas dilixencias abertas no Xulgado de Noia.
"As dilixencias abertas polo Xulgado de Noia, grazas á denuncia de Ecoloxistas en Acción, seguen en marcha, pero ante as declaracións do fiscal xefe de Medio Ambiente, Antonio Vercher, anunciando o arquivo do expediente aberto pola súa oficina, a personación do Estado reforzaría a súa acusación popular contra os causantes do desastre ambiental".
"Resúltanos bastante anómalo que a día de hoxe nin a Xunta nin o Goberno español estean a defender xudicialmente os intereses de galegas e galegos", sostén Cristóbal López, portavoz de Ecoloxistas en Acción.
