EQUO Galicia baralla posibles opcións para as eleccións autonómicas de 2016
A formación verde non descarta concorrer en solitario ou facelo nunha gran coalición de partidos como a do 2012 cando foi con AGE.
Por Galicia Confidencial | Compostela | 21/01/2016 | Actualizada ás 10:30
EQUO acaba de convocar a súa xuntanza ordinaria na que que valorará o escenario político e as opcións para os comicios galegos. Hai varias posibilidades, entre elas, ir en solitario ou apoiar a unha gran coalición de partidos de esquerdas, como xa fixo en 2012, cando se integrou en AGE.
A xuntanza terá lugar este sábado 23 de xaneiro en Santiago de Compostela e nela realizará unha planificación das actividades de 2016. Un dos obradoiros está deseñado para que se traballe en dúas áreas temáticas. A primeira delas é a das futuras Eleccións Galegas de 2016, xa que teñen xurdido distintas propostas dentro da organización política . O obxecto é debater cal pode ser a proposta máis axeitada, e propoñer un itinerario para a súa aprobación e posta en marcha se procede na asemblea da tarde.
A segunda área temática do obradoiro centrarase na planificación deste 2016, explorando alternativas que axuden a medrar e consolidar a estrutura da formación política e a súa marca no país.
Pola tarde, terá lugar a Asemblea Ordinaria coa orde do día establecida: aprobación das contas de 2015, memoria de actividades, informes da Mesa Nacional, postura ante as eleccións autonómicas de 2016, planificación e estratexia para 2016, como principais puntos.
