Centos de persoas maniféstanse en Santiago contra a ilegalización de Causa Caliza
Piden que se levante a suspensión das actividades políticas desta organización e denuncian o “processo de fascistizaçom do regime espanhol”.
Por Galicia Confidencial | Compostela | 24/01/2016 | Actualizada ás 14:00
Centos de persoas maniféstanse este domingo en Santiago contra a suspensión de actividade de Causa Galiza, decretada polo xuíz da Audiencia Nacional Eloy Velasco, baixo o lema “Polos direitos civis e políticos para todas. Nom à ilegalizaçom de organizaçons políticas”.
O músico e cantautor Baldomero Iglésias, Mero, membro no seu dia do grupo Fuxan os Ventos e, na atualidade, do grupo A Quenlla, foi o encargado de ler un comunicado no que defendeu tanto a actividade de Causa Galiza como a doutros movementos que están "demonizados e castigados" polo Goberno.
Neste comunicado, expresouse a solidariedade dos presentes coas nove persoas detidas na Operación Jaro e se esixiu o levantamento das suspensión das actividades políticas a Causa Galiza por dous anos. Tamén se denunciou o “processo de fascistizaçom do regime espanhol” por criminalizar aos grupos independentistas.
Durante a marcha, escoitáronse múltiples consignas, como "Defender a terra non é delito", "Audiencia Nacional, tribunal fascista" ou "Solidaridade con Causa Galiza".
Anova Irmandade Nacionalista rexeitou nun comunicado a ilegalización de Causa Galicia e asegurou que sempre estará "a favor da defensa dos dereitos civís, entre eles o de liberdade de asociación e organización política".
