Retiran unha balea varada duns catro metros dunha praia do Grove

A Consellería de Medio Ambiente e Cambio Climático coordina o operativo para a retirada dunha balea dun catro metros que apareceu varada na praia de Sobre do Pozo, no Grove.

Nun comunicado, o departamento autonómico explicou que o Goberno galego comunicou na mañá deste venres á Xunta a aparición do exemplar no citado areal e solicitou a retirada. Tras recibir a notificación, a Dirección Xeral de Calidade Ambiental e Cambio Climático tramitou o encargo a Gesuga (Xestora de subprodutos de Galicia), empresa con capacidade para xestionar os restos do animal e que xa enviou á zona un camión con capacidade para transportar á balea ata as súas propias instalacións.

Ademais, a Consellería mobilizou a un axente ambiental para comprobar, in situ, a localización do animal, os accesos e avaliar a mellor forma de proceder para a súa retirada. A Xunta lembrou que mantén desde hai máis de 20 anos un convenio de colaboración coa Coordinadora para o Estudo dos Mamíferos Mariños (Cemma), responsable da Rede de varamentos de Galicia e o organismo que se encargará facer a necropsia ao animal.

Restos dunha balea nun areal de Sanxenxo | Fonte: Whatssap