Por Galicia Confidencial | Compostela | 04/03/2016 | Actualizada ás 13:45
As execucións hipotecarias decenderon o pasado ano en case 400 con rlespecto ao 2014, unha baixada dun 14%, que sitúa o índice de lanzamentos en níveis semellantes aos de 2008, cando comezaba a crise económica.
Así, dos 2.106 casos de 2014 pasouse aos 1.810 de 2015, segundo o informe "Efectos da crise económica nos órganos xudiciais" publicado este venres polo Consello Xeral do Poder Xudicial (CGPJ).
Tamén diminuíron, aínda que en menor medida, os lanzamentos -que inclúen todo tipo de inmobles-, con 2.432 en 2015 na comunidade galega, fronte aos 2.519 do ano anterior, o que supón un descenso do 3,5%.
Deles, 800 producíronse como consecuencia de procedementos de execución hipotecaria, mentres que 1.507 rexistráronse en procedementos derivados da Lei de Arrendamentos Urbanos (falta de pagamento de alugueres), o que supón un pequeno descenso con respecto ao ano anterior.
En canto aos concursos presentados nos xulgados do Mercantil galegos contabilizáronse así mesmo descensos, pois dos 508 de 2014 pasouse a 324 en 2015, un 36% menos. É tamén a cifra interanual máis baixa desde 2008.mmDo conxunto de concursos presentados o pasado ano, 279 foron declarados, fronte aos 420 do ano anterior.
Con respecto aos expedientes de regulación de emprego e á modificación substancial das condicións de traballo de carácter colectivo, Galicia contabilizou 57 en 2015, un 40% menos que un ano antes e un 70% menos que en 2012.
En relación aos xulgados do Social, na comunidade presentáronse o ano pasado 5.728 despedimentos, fronte ás 7.069 demandas de 2014, o que supón un descenso do 19%.
Pouco descenso de desafiuzamentos no Estado
A nivel español, o número total de lanzamentos hipotecarios ou desafiuzamentos practicados en 2015 foi de 67.359, un 1,1% menos que en 2014, e máis da metade dos lanzamentos derivouse da aplicación da Lei de Arrendamentos Urbanos.
Por comunidades autónomas, a cifra máis elevada de execucións iniciadas en 2015 rexistrouse en Cataluña, con 15.557 (o 23,1% do total), seguida de Andalucía (10.694) e a Comunidade Valenciana (10.037).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.