A Xunta gasta 59.999,99€ na publicidade do Día da Muller Traballadora
49586,77 euros máis IVE. Este é o importe (59.999,99€ IVE incluído) da adxudicación do contrato para campaña publicitaria de hoxe, 8 de marzo, día internacional da muller traballadora.
Por Galicia Confidencial | Santiago de Compostela | 08/03/2016 | Actualizada ás 17:30
A Secretaría Xeral de Medios, dependente da Presidencia da Xunta de Galicia, adxudicou este contrato mediante o procedemento negociado sen publicidade. Isto permitiulle non pedir ofertas públicamente, senón invitar unicamente a dúas empresas (Proximia Havas e Ingenio Media).
O goberno puido aproveitar este procedemento ao ser un contrato menor, xustamente no límite ao que marca a lei para obrigar a sacar concursos abertos para este tipo de contratos, 60.000 euros.
A gañadora do concurso restrinxido foi a primeira, unha das empresas máis importantes no sector no Estado e que ten delegación na Coruña. Unha vez máis, todos os medios en galego quedaron á marxe do plan de medios da Xunta para estas datas.
