Por Manuel Vilas | Santiago | 07/04/2016 | Actualizada ás 08:00
Para xustificar a súa petición, a oposición esgrime as irregularidades atopadas en varios cursos auditados polo Consello de Contas. Como Fundación de Estudios y Análisis (FESAN) é unha das grandes beneficiarias das subvencións da Xunta en materia social (a oposición cifra en 10 millóns o recibido en axudas do Goberno Galego dende 2009), os parlamentarios sospeitan que FESAN é en realidade unha entidade instrumental para financiar proxectos de persoas afíns ideolóxicamente.
Con todo, son graves as irregularidades concretas descritas polo Consello de Contas? Está realmente vinculada FESAN ao PP e, como dixo a CIG, ao Opus?
O Consello de Contas investigou dous un cursos impartidos por esta fundación. No de “Atención sociosanitaria a persoas dependentes en Institucións Sociais”
organizado en Meira (Lugo) atopáronse as seguintes irregularidades:
Noutro organizado en Carballedo (Lugo), o ente fiscalizador público describe as seguintes eivas:
Nos dous expedientes Contas deixa constancia do ilícito uso da filial GESAN para subcontratar os cursos e tamén para realizar o control de calidade, que debería ter feito unha compañía externa e non unha vinculada.
Curiosamente GESAN tamén recibiu cursos subvencionados pola Consellería de Traballo e, polo menos nun deles, Contas tamén atopou eivas. Foi nun celebrado no Irixo sobre “atención sociosanitaria a persoas dependentes”. Neste as irregularidades descritas por Contas son:
Certo é que nos 71 expedientes analizados por contas hai irregularidades, incluídos en varios dos principais sindicatos de Galicia. Con todos algunhas das eivas descritas anteriormente nos cursos de FESAN e GESAN son especiamente chamativas, como a inexistencia de partes de asistencia, a falta de realización de sete contratos comprometidos e, en particular, o feito de que a presidenta da Fundación cobrase como persoal de apoio dun dos cursos.
Precisamente, é na cúpula de FESAN onde a oposición describe unha suposta relación co PP, baseándose no feito de Jaime Rodríguez-Arana Muñoz foi o seu presidente. Trátase dun catedrático en Dereito Administrativo na Universidade da Coruña, militante do PP e que ocupou diversos cargos nas administracións públicas cando gobernaron os conservadores. Entre outros, director da REGAP (Revista Galega de Administración Pública, que depende da Xunta), subsecretario do Ministerio para as Administraciones Públicas e director xeral do Instituto Nacional de la Administración Pública (INAP). O xornal Público chegou a cualificalo como “guía esperitual” do actual ministro do Interior porque “Rodríguez Arana dirigía el grupo de meditación y oración de Jorge Fernández en el Opus”.
FESAN desvincúlase deste feito alegando que xa houbo outros presidentes, entre eles o de agora, Ángel Sampedro. Claro que, segundo desvelou La Opinión, o actual e o primeiro presidente están vinculados por seren coautores do libreo “O galeguismo”. O volume foi editado pola Xunta e por FOESGA, que era anterior o nome de FESAN.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.