En Marea ultima inscribirse como partido instrumental

Fernández recoñece que hai diferencias sobre como artellar a confluencia para a repetición das xerais. A ferramenta constituída polas mareas municipalistas -Maras en Común- aínda comeza agora a recoller apoios formais de cara a un hipotético censo para unhas primarias.

Por Galicia Confidencial | Santiago de Compostela / Madrid | 26/04/2016 | Actualizada ás 14:00

Comparte esta noticia

O proceso para a formulación dunha confluencia da esquerda galega avanza pouco a pouco, malia a evidencia de que -salvo sorpresa de ultimísima hora- haberá unhas novas eleccións xerais dentro de dous meses, en xuño. 

Alexandra Fernández
Alexandra Fernández

Alexandra Fernández, deputada de En Marea, asegura que “a cuestión do partido instrumental estase a estudar, estase a debater, e eu creo que debemos seguir a camiñar nese sentido que ademais é unha fórmula que xa se empregou nas mareas municipalistas, que permitiron integrar as diferentes sensibilidades políticas e culturas nun mesmo espazo”. A militante de ANOVA indicou que de feito, xa se están dando pasos para formalizar un partido instrumental no Rexistro de Partidos do Ministerio do Interior. GC comprobou que, polo de agora, esa inscrición aínda non está completada.

Fernández fixo estas declaracións á prensa tras reunirse con Felipe de Borbón. O xefe do Estado incluíu a En Marea como interlocutor a parte do grupo parlamentar no que está integrado, que é Podemos-En Marea-En Comú Podem. Precisamente, a inscrición como partido permitiría a coalición galega -se repite o mesmos bos resultados do 20D- salvar os impedimentos formais que enarboraron os rivais políticos para impedir a creación dun grupo parlamentar galego.

A referencia de Fernández as mareas municipalistas reflicte a problemática de como coordinarse as confluencias locais. Coalicións municipais que teñen en marcha o seu propio proceso, bautizado “Marea Viva”, dentro do grupo “Mareas en Común”. Unha das cuestións a solventar é que “Mareas en Común” naceu pensado para as eleccións autonómicas de outono, non para as xerais de dentro de dous meses.

Nas reunións do proceso que deron lugar á  “Marea Viva” participaron unhas 30 candidaturas locais. Así e todo, os principios básicos -o primeiro documento consensuado-  só foi ratificado polo de agora por unhas 200 persoas e dezaoito mareas, segundo publicou esta semana este grupo na súa web.

A lista de mareas asinantes polo de agora é a seguinte: Asemblea pola Unidade de Cangas, Betanzos Novo, GañaMos, Iniciativa Cidadá de Mugardos, Marea Atlántica, Marea Cidadá de Noia, Marea Marín, Marea Pontevedra, Movemento Veciñal da Estrada, Nós Pobra, Ourense en Común, Por Chantada-CUP, Sadamaioría, Somos Cabanas, Somos Cambados, Veciñanza (Cuntis) e Xuntos Por As Pontes. 

Nesa relación faltan moitas que están a colaborar neste instrumento -por exemplo Compostela Aberta-; indicación de que o proceso muncipalista corre risco, de non apurar os prazos, de non estar plenamente en marcha a tempo de completar os formalismos para a repetición das eleccións xerais. 

“Temos que dar respostas para mellorar a participación de En Marea e camiñar cara a construción dun suxeito político galego, ademais temos eleccións autonómicas e temos que dar pasos para conformar ese suxeito político”, argumenta Fernández. A deputada recoñece que “é evidente que hai diferentes opinións” sobre como artellar a coalición e admitiu que tal debate debe facerse máis aló do diálogo entre partidos. Cómpre lembra que a nova dirección de Podemos Galicia ten reticencias a repetir a coalición do mesmo xeito que se formalizou para o 20D, cando as bases só poideron votar unhas listas previamente pactadas polas cúpulas dos partidos. 

En conclusión, o proceso de confluencia da esquerda galega volve a atoparse sen formalizar a poucos meses das eleccións cuns prazos moi apurados, como lle sucedeu o 20D, cando a coalición tivo que presentarse sen nin sequera un programa electoral público definitivo.  Malia isto Fernández mostrouse hoxe nos Desayunos de RTVE a prol de que haxa eleccións galegas xa porque “a lexislatura de Feijóo está completamente esgotada e canto antes se vaia mellor lle irá a Galicia".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 27 comentarios

12 Ana

O programa de Podemos e confluencias deberia ser o seguinte: sair do euro, renegociar o pago da debeda publica, industrializar o pais, loitar contra o fraude fiscal, subir salarios e pensions e garantir unha renda minima para persoas en situacion de pobreza. Sin sair do euro e solucionar o problema da debeda publica non hai soberania nin creacion de emprego digno. Por certo, xa estamos todos preparados para que de aqui as proximas eleccions se fale mais de Venezuela e Iran que dos problemas de España. Iso si, nada de falar de Honduras, Mexico, Colombia ou Arxentina que polo visto ali non hai pobreza nin ningun outro problema grazas o neoliberalismo.

1 Valdeorras Nazón!

O que ti propós lévanos directamente á miseria venezolana. Iso si, Maduro, as fillas de Chávez e os seus colegas están todos forrados. Supoño que por iso gústache o programa robolusionario...

2 Galeguista

Con propostas desta caste, chegaremos a un sistema semi-totalitario bolivariano...só nos faltaría o Maduro de turno.

3 nostrus

Ana, ti falas moito e dis o que hai que facer, o que temos que ter e o ben que imos estar, pero non dis como o temos que facer nin quen o ha de pagar. Pois si, fixate a onde levaron a Venezuela os teus camaradas.

4 Abraiado

Outra inconsciente máis aleccionando de cousas das que non sabe nada...Se cadra, logo de sairmos do euro, implantamos o peso cubano, non si...? E fala de "industrializar o país"...Ha, ha, ha! Con que, oh? Como? De onde vas sacar os cartos, vaillos ir pedir a Putin? Estes esquerdallos confunden insdustrializar con montar calquera chiringuito deses de hippies con artesanía moruna, que isto é o que lles gusta a eles, con tal de traballar o menos posible...Canta pallasada, a nación galega escangallada con estes alucinados, imos de cú...

11 nostrus

Eu creo que o fenómeno Podemos é unha moda, un suspiro, unha patada dun burro ou un peido, algo que irrumpe de golpe pero pasaxeiro, pero non é nada que teña aspecto de consolidarse porque podemos é produto do fumo do cabreo e cando a xente se serene quedará abraiada. Podemos non loita polo ben da sociedade, porque si asi fora loitaria pola liberdae individual na sua maxima expresion posible.

10 Gamela

pensan que mareando a todo dios alguén vai votar o 26 de xuño ???

9 Sariña de Oia

@MareasenComun vai ocupar o lugar que non quixo ocupar EN MArea coas súas decisións partidistas de ANOVA, EU e Podemos. Agora hai nova SX no partido morado máis proclive a democratizar radicalmente os procesos, mareas locais con moitas ideas e vontade de participación, e partidos coma EQUO ou Espazo que renunciaron as súas siglas para sumar xente a esta proposta.

8 nostrus

Por quien debemos apostar es por partidos que apuesten por la realidad, la diversidad y consideren al ser humano como el elemento mas indivisible de la sociedad, frente a los partidos que apuestan por la secta o el rebaño y consideran al ser humano como sumiso de las culturas y las lenguas y con la obligacion de unos comportamientos personales para ser considerado miembro de la tribu. La democracia es la voluntad de la mayoria del pueblo y nunca la voluntad de una minoria mayoritaria en un ricon como dicen los podemios