Por Manuel Vilas | Madrid | 26/04/2016 | Actualizada ás 20:09
De la Mata toma esta decisión tar ordenar o rexistro da sucursal herculina no verán do ano pasado. Previamente, a Axencia Tributaria queixárase da suposta falta de cooperación da entidade galega, hoxe absorvida pola madrileña Banco Popular.
A Xustiza chegou até o Pastor seguindo o rastro de Francisco Correa. Os investigadores sospeitaron que o cerebro da Gürtel empregou esa entidade para blanquear uns 100.000 euros. Os xulgados pediron información ao Pastor, o banco non cooperou na medida en que a Xustiza esperaba, os xuíces enviaron a Policía a incautar documentación na Coruña e agora sábese que detectaron unhas 25.000 operacións sospeitosas entre 2006 e 2010.
A noticia supón un serio problema de imaxe para o Popular en medio da treboada dos "Panama Papers".
O auto de hoxe salta aos medios menos dun mes despois de que se coñecese o informe da Oficina Nacional de Investigación del Fraude (ONIF) sobre o material incautado no seu día nos cantóns. Daquela, GC pediu coñecer a versión do banco.
O Banco Popular -matriz actual do Pastor- respondera desvinculándose as posíbeis responsabilidades, destancando que os feitos investigados presuntamente se produciron antes de que a entidade madrileña mercase o banco herculino. Segundo explican voceiros do Popular a GC, a entidade "está a colaborar con Facenda ao 100% en todo o que necesite e dende o primeiro momento".
O Pastor indicara que dende o verán pasado non recibiu ningún requerimento máis por parte dos xulgados e que non ten coñecemento do informe da ONIF sobre a suposta falta de control das contas investigadas na Gürtel. Tras insistir que sempre ofrecen "toda a colaboración" coa Xustiza neste tipo de investigacións, aclaran que polo de agora non hai ningunha persoa relacionada co banco investigada.
José María Arias, presidente do Banco Pastor, que mantén a súa marca diferenciada malia estar plenamente integrado no Popular, forma parte do actual Consello de Administración da entidade estatal.
O foco da investigación está sobre a sociedade uruguaia Belfast Link y a arxentina Eves. A ONIF sospeita que o Pastor facilitou contas manexadas por estas compañías a centos de persoas, como as implicadas na Gürtel, para lavar cartos.
Quen está realmente detrás de Belfast Link e Eves? No caso de Belfast Link, os homes de palla parecen ser Manuel Roel e Walter Manuel Hernández. Eles operarían para o uruguaio o Fernando Juan Castagno Schickendant e Marcelo Pereira Darriulat. Schickendant tería recibido fondos de Luís Bárcenas a través doutra sociedade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.