Novo drama dunha nai en risco de desafiuzamento con catro fillas ao cargo
Stop Desafiuzamentos alerta das dificultades para pagar a hipoteca desta muller que fuxiu logo de que o home violara das fillas.
Por Galicia Confidencial | Compostela | 12/05/2016 | Actualizada ás 10:00
Stop Desafiuzamentos Compostela alertou este mércores das dificultades para manter a súa vivenda que está a padecer unha muller vítima de violencia de xénero con catro fillas que foron violadas polo seu pai, para o que a Fiscalía pide unha pena de prisión de 67 anos.
Esta asociación denuncia que a familia percibe 426 euros cos que "non pode nin pagar" a hipoteca e está a sufrir "ameazas" de desafiuzamento por parte do seu banco.
Ademais, deu conta de que estas mulleres "seguen necesitando protección policial" malia que o agresor se atopa "entre reixas", algo que relaciona con que algúns veciños reservan a súa "solidariedade" para o home e prefiren "cargar contra as vítimas".
