Aparecen numerosos tapóns de plástico en praias de Nigrán e de Baiona

O colectivo ecoloxista Limpiarousa alertou da aparición de biosoportes de plástico en praias das localidades pontevedresas de Nigrán e de Baiona.

Nas súas redes sociais, esta organización denunciou a chegada ás praias destes elementos de plástico, pequenos cilindros que se utilizan nas depuradoras para tratar as augas residuais.

Con todo, non é a primeira vez que Limpiarousa alerta dunha situación similar, xa que hai semanas os ecoloxistas informaban da aparición de biosoportes noutras praias de Galicia.

Elementos de plástico que apareceron en praias de Nigrán e Baiona | Fonte: Limpiarousa