Case o 11% de residentes estranxeiros adquiriu a nacionalidade española en Galicia: 6.667 en 2024
Entre os nados fóra de España, o país de nacemento máis frecuente foi Venezuela.
Por Europa Press / Redacción | SANTIAGO DE COMPOSTELA | 05/06/2025 | Actualizada ás 16:56
O número de residentes estranxeiros que adquiriu a nacionalidade española en Galicia aumentou un 10,9% en 2024, ata 6.667, segundo os datos que publica este xoves o Instituto Nacional de Estatística (INE). No conxunto estatal, a cifra subiu un 5,1%, ata 252.476.
En canto a estes últimos números, os globais, o 44% das persoas estranxeiras que adquiriu a nacionalidade española en 2024 foron homes e as 56,0% mulleres. Por idade, as persoas de 30 a 39 de anos constituíron o grupo máis numeroso en canto a adquisicións de nacionalidade española, seguido do grupo de 40 a 49 anos.
Respecto dos modos de adquisición de nacionalidade española, 215.734 casos foron por residencia e 36.407 por opción. Esta última modalidade deuse sobre todo nos menores de 20 anos (o 94,2% do total de adquisicións por opción foron de menores de 20 anos).
O país de nacemento máis frecuente nas adquisicións de nacionalidade española foi España, con 51.547 casos. Entre os nados fóra de España, o país de nacemento máis frecuente foi Venezuela, con 34.343 adquisicións de nacionalidade, seguido de Colombia, con 25.759; Marrocos 17.579 e Honduras 14.407. Das 252.476 persoas residentes en España que en 2024 adquiriron a nacionalidade española un 19,6% residira sempre en España. O restante 80,4% residira previamente no estranxeiro.
Desde 2002, o ano de chegada máis frecuente para as persoas que adquiriron nacionalidade española en 2024 foi 2019. Isto significa que tardaron un cinco anos en adquirir a nacionalidade española.
