23 de xuño, inicio das oposicións para o ensino

A Consellería de Cultura, Educación e Ordenación Universitaria informa que vén de fixar para o 23 de xuño o inicio dos exames das oposicións, cuxa convocatoria para este ano ascende a 1.112 prazas, o 100% da taxa de reposición. A fixación das datas posteriores será determinada por cada un dos tribunais e, dado que o 24 é festivo e o 25 previsiblemente se instalarán os colexios electorais, os tribunais poderían determinar o día 27 como seguinte data para a continuación das probas.

O Goberno asegura que con esta oferta –coa que se cobren 12 prazas no corpo de inspectores de educación, 478 no corpo de profesores de ensino secundario, 122 no de profesores técnicos de formación profesional e 500 no de mestres– búscase "manter o de Galicia como o nivel máis baixo de interinidade no persoal docente de todo o Estado español." A data deuse a coñecer hoxe na Mesa Sectorial de Educación.

Cómpre lembrar que a distribución de prazas por especialidade é a seguinte:

Especialidade	Prazas A2-A1	libre	Total
Profesores de ensino secundario
Lingua Castelá e Literatura	14	56	70
Xeografía e Historia	11	44	55
Matemáticas	15	60	75
Física y Química	8	32	40
Bioloxía e Xeoloxía	9	36	45
Inglés	9	36	45
Educación física	4	16	20
Orientación educativa	5	20	25
Formación e Orientación Laboral	10	40	50
Hostalaría e Turismo	3	10	13
Informática	4	16	20
Intervención sociocomunitaria	4	16	20
TOTAL	96	382	478
Profesores técnicos de FP
Cociña e pastelería		12	12
Instalacións electrotécnicas		24	24
Mantemento de vehículos		24	24
Mecanizado e mantemento de máquinas		17	17
Servizos á Comunidade		20	20
Sistemas e aplicacións informáticas		25	25
TOTAL		122	122
Mestres
Educación infantil		186	186
Lingua estranxeira: inglés		56	56
Lingua estranxeira: francés		30	30
Educación física		40	40
Música		36	36
Pedagoxía terapéutica		56	56
Audición e linguaxe		56	56
Educación Primaria		40	40
TOTAL		500	500
Inspectores de Educación
		12	12
TOTAL			1.112

Calendario escolar 2016/2017

Na mesma Mesa Sectorial tamén se debateu e aprobou, entre outros asuntos, o calendario escolar para o vindeiro curso. Neste sentido, en educación infantil, primaria e educación especial, as clases comezarán o 12 de setembro de 2016 e rematarán o 23 de xuño de 2017, ambos inclusive. Para educación secundaria obrigatoria, bacharelato e formación profesional fíxase o inicio de curso tres días despois (o 15 de setembro).

En canto aos períodos de vacacións, o Nadal establécese desde o día 22 de decembro de 2016 ata o 6 de xaneiro de 2017, ambos inclusive. Pola súa banda, as vacacións de entroido serán o 27 e 28 de febreiro e o 1 de marzo do ano que vén; mentres que as de Semana Santa fíxanse desde o día 10 ata o 17 de abril, ambos inclusive.