Tanxugueiras e Sés entre os artistas da 40 edición da Carballeira de Zas

A Carballeira de Zas celebrará os días 8 e 9 de agosto unha nova edición coas actuacións, entre outras, de Sés, Tanxugueiras, Caamaño Ameixeiras; Mercedes Peón ou Agoraphobia, entre outras.

Trátase dunha iniciativa que conta con apoio da Deputación da Coruña, cuxa responsble de Cultura, Natividade González, estivo presente no acto xunto ao alcalde de Zas, Manuel Muíño, e o director do festival, Fidel Otero.

"Unha cita de referencia, marcada no calendario de todos os veciños e veciñas da comarca, pero tamén da provincia", sinalou, ademais de pór en valor o labor dos responsables da organización.

Sés | Fonte: SES.RENDE.GAL - Arquivo