Soben os prezos das exportacións galegas
Aumentaron un 1,5% en abril, mentres que os das importacións diminuíron un 0,3%.
Por Europa Press / Redacción | SANTIAGO DE COMPOSTELA | 25/06/2025 | Actualizada ás 13:19
Os prezos das exportacións galegas aumentaron un 1,5% en abril en Galicia en relación co mesmo mes do ano anterior, mentres que os das importacións diminuíron un 0,3%. Segundo os datos que publica este mércores o Instituto Galego de Estatística (IGE), os prezos dos bens de capital exportados subiron un 4,5% e os dos bens intermedios un 3,7%.
Mentres, do lado contrario, os prezos dos bens de consumo exportados caeron un 0,6% respecto de abril de 2024. Con respecto ás importacións, os prezos dos bens de consumo rexistraron unha alza do 9,3% e os dos bens de capital un 19,2%. Os prezos dos bens intermedios experimentaron unha baixada interanual do 6,2%.
