Morre un traballador en Carballeda de Valdeorras logo de caer dunha altura
O suceso produciuse minutos antes das 16.00 horas deste mércores e foron varios os particulares que deron a voz de alarma e explicaron que o operario puido caer dun tellado ou dunha escaleira
Por Europa Press / Redacción | SANTIAGO DE COMPOSTELA | 25/06/2025 | Actualizada ás 19:48
Un traballador perdeu a vida tras caer dunha altura no lugar de Soutadoiro, no municipio ourensán de Carballeda de Valdeorras.
Segundo informou o 112 Galicia, o suceso produciuse minutos antes das 16.00 horas deste mércores e foron varios os particulares que deron a voz de alarma e explicaron que o operario puido caer dun tellado ou dunha escaleira.
Ata o punto desprazáronse os profesionais de Urxencias sanitarias de Galicia-061, que mobilizaron o helicóptero medicalizado con base en Ourense, a Garda Civil e o GES de Valdeorras.
Con todo, a pesar dos esforzos non puideron facer nada por salvar a vida do home. Pola súa banda, a Garda Civil investiga o suceso.
