Tres feridos, dous deles excarcerados, nunha saída de vía en Maceda

Tres persoas resultaron feridas, das cales dúas tiveron que ser excarceradas, tras sufrir unha saída de vía no municipio ourensán de Maceda. Segundo informa o 112 Galicia, un particular alertaba sobre as 10.55 horas da mañá deste xoves sobre este accidente no quilómetro 5 da OU-104 e indicaba que podía haber persoas feridas.

Seguidamente, o 112 mobilizou a Urxencias Sanitarias-061, ao GES de Maceda, aos bombeiros de San Cibrao, á Garda Civil de Tráfico, á Policía Local e a Protección Civil. Unha vez alí, os equipos de intervención confirmaron a necesidade de empregar o material de excarceración para liberar ao condutor e ao acompañante do turismo. Finalmente, estas dúas persoas e outra que precisou asistencia foron trasladadas ao hospital de referencia.

Ambulancias do 061 | Fonte: XUNTA - Arquivo