(Vídeo) Fotos e testemuñas veciñais, así prenderon a unha muller acusada de cinco lumes en Muxía

O Servizo de Protección da Natureza (Seprona) da Garda Civil de Corcubión investiga unha veciña de Frixe-Muxía, de 63 anos, como presunta autora de cinco incendios forestais ocorridos este mes na zona.

 

A investigación iniciouse o 11 de agosto de 2025, por mor dun aviso por un incendio na localidade de Frixe-Muxía. A información inicial apuntaba a unha sospeitosa de ser a autora doutros incendios ocorridos recentemente na zona. 

No lugar dos feitos, os axentes tomaron declaración a varias testemuñas, algúns dos cales manifestaron ver á investigada nas inmediacións do incendio, incluso saíndo da masa forestal a escasos metros do lugar do lume. Un das testemuñas achegou unha fotografía da sospeitosa.

 

 

 

 

Ver esta publicación en Instagram

 

 

 

 

 

 

 

 

 

 

 

Una publicación compartida por Galicia Confidencial (@galicia_confidencial)

Tras unha conversación coa investigada, detectáronse numerosas contradicións no seu relato, polo que foi trasladada ao acuartelamento de Corcubión en calidade de investigada por un presunto delito de incendios forestais. As manifestacións da investigada permitiron esclarecer un total de cinco incendios forestais ocorridos na mesma localidade, nas seguintes datas: 3 de agosto, dous o 5 de agosto, 9 de agosto e 11 de agosto de 2025.

A Garda Civil agradece a colaboración cidadá para a resolución deste caso, demostrando unha vez máis a importancia da implicación dos veciños para a prevención e esclarecemento dos delitos contra o medio ambiente. As dilixencias instruídas foron remitidas ao Xulgado de Primeira Instancia e Instrución de Garda de Corcubión.