Chegan exemplares de carabela portuguesa a Bergondo

Exemplares de carabela portuguesa chegaron nas últimas horas a municipios da área coruñesa, como o caso de Bergondo, segundo informaron desde o consistorio. Isto súmase ao acontecido noutros areais como os da cidade da Coruña pero tamén noutras zonas de Galicia nos últimos días como o caso da Mariña. E é que, segundo informaron responsables desta zona, chegan especialmente cando hai vento do nordés porque ao moverse pola superficie da auga son desprazadas por el. En relación ás mesmas, desde o Concello de Bergondo recomendaron que se teña precaución no momento do baño e que, se se observa algunha, se avise de inmediato ao persoal de socorrismo.

Carabela portuguesa | Fonte: CONCELLO DE BERGONDO