Tragsa arquiva o expediente a brigadistas por negarse a descansar menos horas
Por Europa Press / Redacción | SANTIAGO DE COMPOSTELA | 15/08/2025 | Actualizada ás 10:50
A empresa Tragsa arquivou o expediente que quería abrir aos traballadores da Brif de Laza por negarse a descansar menos horas en plena vaga de incendios na provincia.
Tal e como trasladaron nunhas mensaxes publicadas na plataforma X --anterior Twitter-- os brigadistas celebran a "marcha atrás" da empresa tras denunciar este xoves pola mesma conta a intención desta de sancionalos.
Nesta liña, agradeceron a todos o apoio e agarimo recibido por redes sociais. "Nós a seguir combatendo esta secuela de incendios", remarcan. Segundo apuntaron este xoves nesta campaña levan 37 incendios, 16 activacións de dispoñibilidade e máis de 12 días seguidos de servizo, nos que actuaron con "profesionalidade, eficacia, compromiso, e con absoluta vocación co servizo público". Por iso, defenderon que os equipos descansen 12 horas entre xornadas como di o Estatuto.
