(Vídeo) Galicia incomunicada en Ourense coa Meseta: pechada a A-52 e a circulación de tresn polos incendios

As consecuencias da vaga de incendios que desde hai días afecta a Galicia, con especial intensidade á provincia de Ourense, provocaron efectos nas vías de circulación e en tráfico ferroviario, que se deixaron notar con forza no marco da 'operación saída' pola ponte do 15 de agosto.

Os problemas continúan este sábado e o último parte do 112 Galicia reflicte que se mantén cortada a A-52, no quilómetro 173, en Cualedro. A A-52, que sufriu problemas importantes este xoves, cuns mil vehículos retidos ante as chamas e outros circulando rodeados polas lapas tal e como se pode ver nestas imaxes.

 

 

 

 

View this post on Instagram

 

 

 

 

 

 

 

 

 

 

 

A post shared by Galicia Confidencial (@galicia_confidencial)

TRENS

Interrompido continúa o tráfico ferroviario. De feito, xa na pasada xornada informouse de que o servizo ferroviario de alta velocidade entre Madrid e Galicia seguirá interrompido ata novo aviso ante a evolución dos incendios forestais que queiman boa parte do territorio de Castela e León e Galicia.

"Coa seguridade dos viaxeiros como prioridade, e tamén dos servizos de emerxencias que traballan na extinción, Adif manterá suspendido o servizo ferroviario ata que a dirección da extinción dos incendios que se rexistran en Zamora e Ourense, principalmente, autoricen o paso de trens con plenas garantías de seguridade", explicaron Renfe e Adif nun comunicado.