Dous novos detidos por lumes; un por unha queima e o outro tras prender o monte mentres rozaba
Investigan a dous homes por dous incendios por imprudencia grave en Folgoso do Courel e en Monterroso.
Por Europa Press / Redacción | SANTIAGO DE COMPOSTELA | 22/08/2025 | Actualizada ás 14:17
A Garda Civil imputa en calidade de investigados a un home portugués, de 37 anos, e a un veciño de Monterroso, de 30 anos, como presuntos autores de dous delitos de incendio forestal por imprudencia grave en Folgoso do Courel e en Monterroso.
Segundo informou o Instituto Armado, os axentes adscritos ao EMIIF (equipo multidisciplinar de investigación de incendios forestais) iniciaron unha investigación policial para esclarecer a autoría de dous incendios forestais ocorridos nos termos municipais de Folgoso do Caurel e de Monterroso.
Durante a investigación, os axentes constataron que a orixe do incendio de Folgoso do Caurel, que comezou o día 5, está nos traballos de aproveitamento forestal que se realizaban na zona cunha maquina cortadora- procesadora de árbores.
Pola súa banda, o incendio en Monterroso, que comezou o día 6, ten a súa presunta orixe nun escape dunha queima que era realizada sen autorización administrativa.
