O PIB galego crece un 2.5% no segundo semestre de 2025, cinco décimas menos que nas mesmas datas de 2024
Os postos de traballo equivalentes a tempo completo rexistraron un incremento interanual do 1,4 %, catro décimas superior ao trimestre anterior.
Por Europa Press / Redacción | SANTIAGO DE COMPOSTELA | 29/08/2025 | Actualizada ás 13:42
O Produto Interior Bruto (PIB) de Galicia creceu un 2,5 % no segundo trimestre deste ano, cinco décimas por baixo do crecemento interanual rexistrado no segundo trimestre de 2024, e tres décimas por baixo do crecemento no primeiro trimestre de 2025.
Así o reflicten os datos feitos públicos este venres polo Instituto Galego de Estatística (IGE), que recollen que o PIB xerado pola economía galega, medido en termos de volume encadeado e con datos corrixidos a efectos estacionales e de calendario, creceu un 2,5 % no segundo trimestre deste ano en canto a variación interanual, mentres que a variación intertrimestral foi do 0,5 % (0,6 % no trimestre anterior).
A demanda interna contribuíu con 2,2 puntos porcentuais ao crecemento interanual, e a achega da demanda externa foi de 0,3 puntos porcentuais.
Por outra banda, no segundo semestre deste 2025, o gasto en consumo final nos fogares aumentou un 1,7 % máis que no trimestre anterior; e o gasto das administracións públicas creceu un 1,7 %, o mesmo que o trimestre anterior. As exportacións de bens e servizos presentan unha taxa interanual do -1,2 %, e as importanciones, do -2 %.
Con respecto á oferta, o Valor Engadido Bruto (VAB) de todos os grandes sectores de actividade rexistra taxas interanuais positivas. Nas ramas primarias, a variación interanual é do 0,1 %; o VAB da industria crece un 2,4 %; o da construción crece un 6,6 %; e o sector servizos rexistra unha taxa do 2,7 %.
EMPREGO E PRODUTIVIDADE
Con respecto ao emprego e a produtividade, os postos de traballo equivalentes a tempo completo rexistraron un incremento interanual do 1,4 %, catro décimas superior ao trimestre anterior.
As horas traballadas aumentaron un 0,4 % no segundo trimestre, en termos interanuais, mentres que se reduciron un 0,1 % no trimestre anterior.
A produtividade aparente real por posto de traballo equivalente a tempo completo creceu un 1,1 % neste trimestre, mentres que a produtividade por hora traballada tamén creceu, un 2,1 %.
