Bandeira vermella nas praias de Sanxenxo ante a presenza de carabelas portuguesas
Así o informou o Concello de Sanxenxo, que durante toda a semana anterior estivo a avisar da presenza desta especie de medusa mariña nos seus areais.
Por Europa Press / Redacción | SANTIAGO DE COMPOSTELA | 01/09/2025 | Actualizada ás 15:50
A chegada de carabelas portuguesas levou a izar a bandeira vermella na praia de Montalvo, en Sanxenxo. Ademais, mantense a amarela en Canelas, onde xa se izou en días anteriores, pola presenza de restos.
Así o informou o Concello de Sanxenxo, que durante toda a semana anterior estivo a avisar da presenza desta especie de medusa mariña nos seus areais. Precisamente, durante o fin de semana, a bandeira amarela chegou a estar izada en ata seis praias (Major, Pragueira, Bascuas, Paxariñas Canelas e Montalvo), onde seguían chegando restos de carabelas mortas. Así, esta mesma situación mantense este luns en Canelas e agrávase en Montalvo, onde ondea a bandeira vermella ao detectar a nova chegada de exemplares vivos.
