Tres feridos, entre eles un menor, nun accidente múltiple en Nigrán

Dous adultos e un menor resultaron feridos este mércores nun accidente de tráfico con cinco vehículos implicados na localidade pontevedresa de Nigrán. Segundo trasladou o 112 Galicia, o accidente rexistrouse sobre as 10.00 horas no quilómetro 18 da estrada PO-340, na parroquia da Ramallosa. A central de emerxencias tivo constancia do sinistro a través do sistema de aviso automático dun dos vehículos implicados, así como das chamadas de particulares que se atopaban na zona.

Ao coñecer os feitos, os xestores do Centro Integrado de Atención ás Emerxencias de Galicia (CIAE-112) deron aviso aos servizos sanitarios, á Garda Civil de Tráfico, ao GES do Val Miñor e aos servizos de mantemento da vía. Finalmente, os profesionais do Servizo de Urxencias Sanitarias de Galicia-061 evacuaron ao Hospital Álvaro Cunqueiro de Vigo ao tres feridos: un menor e dous adultos.

Sala de operacións 112 Galicia. XUNTA | Fonte: Europa Press