(Vídeo) Rescatados dous tripulantes tras arder o seu pesqueiro a unha milla de Cabo Vilán

Os dous tripulantes dun pesqueiro con base en Muxía, que sufriu un incendio a unha milla de Cabo Vilán, foron rescatados na tarde deste venres por outro barco da balsa salvavidas na que se refuxiaron.

Segundo informaron fontes de Salvamento Marítimo, ás 18,14 o centro de coordinación recibiu unha chamada desde o propio pesqueiro, o Nuevo Vigen Guadalupana, na que os dous tripulantes alertaban de que sufriran un incendio a unha milla ao norte de Cabo Vilán.

Ante iso, Salvamento Marítimo mobilizou á Salvamar Altair e emitiu un aviso aos barcos que navegaban na zona. Precisamente, foi un dos buques que estaban nas inmediacións o que recolleu aos dous tripulantes da balsa salvavidas. Indicaron a Salvamento Marítimo que se atopaban a salvo xa no buque e que non requiren asistencia médica.

 

 

 

 

View this post on Instagram

 

 

 

 

 

 

 

 

 

 

 

A post shared by Galicia Confidencial (@galicia_confidencial)