Pablo Isla asume desde este mércores a Presidencia de Nestlé
Pablo Isla, exconcelleiro delegado de Inditex entre 2005 e 2011 e o seu presidente executivo entre 2011 e 2022, asume desde este mércores, 1 de outubro, a presidencia de Nestlé despois de que o consello de administración da compañía decidise adiantar o seu nomeamento, previsto inicialmente para abril de 2026.
Por Europa Press / Redacción | MADRID | 01/10/2025 | Actualizada ás 10:15
Pablo Isla, exconselleiro delegado de Inditex entre 2005 e 2011 e o seu presidente executivo entre 2011 e 2022, asume desde este mércores, 1 de outubro, a presidencia de Nestlé despois de que o consello de administración da compañía decidise adiantar o seu nomeamento, previsto inicialmente para abril de 2026. Isla, que substitúe no cargo a Paul Bulcke, entrou no órgano reitor de Nestlé en 2018 e foi vicepresidente e conselleiro independente principal do grupo desde 2024. Así mesmo, o directivo español é membro dos comités de nomeamentos, retribucións, presidencia e goberno corporativo da compañía.
O adianto do nomeamento de Pablo Isla como presidente ten lugar despois do de Philipp Navratil como novo director xeral da firma tras o despedimento fulminante de Laurent Freixe por infrinxir o código de conduta empresarial por non revelar unha relación sentimental cunha subordinada directa, unha investigación supervisada por Bulcke e Isla. Ademais de Isla, Dick Boer asumirá tamén desde este mércores o cargo de conselleiro independente principal e vicepresidente do consello de administración, mentres que Marie-Gabrielle Ineichen-Fleisch será a vicepresidenta do máximo órgano de goberno.
