Galicia e Reino Unido apostan polo turismo e relacións comerciais
Xuntanza de Rueda co embaixador do Reino Unido.
Por Europa Press / Redacción | SANTIAGO DE COMPOSTELA | 04/10/2025 | Actualizada ás 12:02
O presidente da Xunta, Alfonso Rueda, reuniuse, no marco do Foro La Toja que se celebra no Grove, un encontro co embaixador do Reino Unido en España, Alex Ellis, para tratar ámbitos relacionados co impulso ao turismo, as relacións comerciais e os intereses para o sector pesqueiro galego nese país.
Na reunión, remarcou que, a pesar dos desafíos do Brexit, as empresas galegas reforzaron a súa estratexia de internacionalización e mantiveron a competitividade nese mercado. Desta forma, segundo indicou a Xunta, de xaneiro a xullo de 2025, Galicia exportou ao Reino Unido un 10,7% máis que o mesmo período do ano anterior.
Este mercado británico presenta oportunidades para empresas de sectores como a automoción e compoñentes, agroalimentario e bebidas, moda e téxtil, naval, e enerxías renovables e transición verde. Na reunión, tamén abordaron a importancia dos caladoiros británicos para a frota pesqueira galega. Ademais, o presidente da Xunta convidou ao embaixador a visitar Galicia no próximo Xacobeo 2027, no que xa traballa o Executivo galego.
